Yerkanave Sonnapadi

By Pattukottai Prabakar

கல்பனா என்ற பெண், கல்யாண் என்பவரை காதலித்து திருமணம் செய்து கொண்டாள். திடீரென கல்யாண் தலைமறைவாகிவிட்டார். ஏன்? பிறகு கல்பனா பரத், சுசிலாவிடம் தன் கணவர் கல்யாணை காணவில்லை என்றும், கண்டுபிடித்து தருமாறும் கோரிக்கை வைக்கிறாள். இதை பரத்தும், சுசீலாவும் சேர்ந்து கண்டுபிடிக்க துவங்கிவிட்டனர். ஆனால் அவர்களுக்கு கிடைத்த தகவல் வேறுவிதமாக இருந்தது. அது என்ன என்று பரத், சுசிலாவிடம் கேட்போம்...

• Language: தமிழ்
• Publisher: Pustaka Digital Media
• Release date: Oct 15, 2022
• ISBN: 6580100908069

Book preview

C:\Users\INTEL\Desktop\Logo New\pustaka_logo-blue_3x.png

https://www.pustaka.co.in

ஏற்கனவே சொன்னபடி

Yerkanave Sonnapadi

Author:

பட்டுக்கோட்டை பிரபாகர்

Pattukottai Prabakar

For more books

https://www.pustaka.co.in/home/author/pattukottai-prabakar-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

1

சென்னை விமான நிலையத்திற்குப் பனி ஒரு பிரும்மாண்டமானக் கொசுவலை நெய்து போர்த்தியிருந்தது. காட்ராக்ட் வளர்ந்த கிழக் கண்ணின் பார்வையில் போல் அந்த விமானம் வந்து இறங்கியது.

எத்தனையாவது ஆளாக என்று எண்ணத் துவங்குவதற்குள் பரத் பிரீஃப்கேசுடன் இறங்கினான். அவனருகில் ஃப்ளீட்ஸ் வைத்த ஸ்கர்ட்டும், தோளில் அலை, அலையாய்ப் புரளும் கூந்தலுமாய் அந்தப் பெண் செயின் இணைத்த கண்ணாடி அணிந்து இவன் சொன்ன ஏதோ ஜோக்கிற்கு முப்பத்தி இரண்டில் முக்கால் சதவிகிதம் தெரிய சிரித்தாள். (அதாகப்பட்டது 24 பற்கள். வேறெந்த அயோக்யமான அர்த்தமும் இல்லை.)

விமான நிலையத்தின் கட்டிடத்தில் காத்திருந்த சுசிலா அவள் சிரித்ததைப் பார்த்துவிட்டாளாகையால், இடுப்பில் இரண்டு கைகளையும் வைத்துக்கொண்டு பரத் வந்ததும் முறைக்கத் தயாராய் இருந்தாள். கமான், கேட்டு விடுங்கள்.

அவள் பனியனில் என்ன எழுதியிருந்தது?

இஃதுதான்:

DONT WE REMIND YOU

TO USE BICYCLE?

PLEASE SAVE PETROL!

ஹாய் சுசி, குட் மார்னிங். மீட் மிஸ் ஃப்ளோர் என்ற பரத் அவளிடம் திரும்பி, நான் சொல்லலை, இவதான் சுசிலா.

ஹலோ என்று கை நீட்டின அவளுக்குக், கடனே என்று கை கொடுத்து, விடுவித்துக்கொண்டு, போலாமா பரத்? என்றாள், கார் சாவியைச் சுழற்றியபடி.

ஜஸ்ட் எ மினிட் சுசி. நான் முழுசா அறிமுகப்படுத்திடறேன். பாம்பேல ஒரு விமன்ஸ் வீக்லி பத்திரிகையில் ஃப்ளோரிடா ஒரு சீனியர் ரிப்போர்ட்டர். மெட்ராஸ்ல ஒரு மேட்டர் கவர் பண்றதுக்காக வந்திருக்காங்க. கன்னிமாரால ரூம் ரிசர்வ்ட். நாம போற வழில இறக்கி விட்டுட்டுப் போய்டலாம்.

பல்லைக் கடித்துக்கொண்டு, சரி என்றாள் சுசிலா.

கன்னிமாரா ஹோட்டலில் அவளை இறக்கி விட்டு விட்டு, டாட்டா காட்டி, தன் விசிட்டிங் கார்ட் கொடுத்து, கண்டிப்பா நீங்க என் ஆஃபீசுக்கு வரணும் ஃப்ளோர் என்றான் பரத்.

ஷ்யூர் என்ற அவள் உள்ளே நடந்தாள்.

பரத் மீண்டும் காரை ஸ்டார்ட் செய்யப்போக, வெடுக்கென்று சாவியைப் பறித்துக் கொண்ட சுசிலா, ‘DONT WE REMIND YOU’ விம்ம, ராஸ்க்கல்! என்றாள்.

ஹே! என்ன இது?

அவ பேரென்ன சொன்னீங்க?

ஃப்ளோரிடா. நான் ஃப்ளோர்ன்னு கூப்புடுவேன்.

எப்ப அறிமுகம்?

பாம்பேல ஃப்ளைட் ஏறினப்ப, என் பக்கத்து சீட்.

அதுக்குள்ளே பேரை சுருக்கற அளவுக்கு வந்தாச்சா?

சேச்சே, நட்புதான் சுசி. ஆகாயத்தில் ஆரம்பம்!

பூமில தொடர்ந்தா பூகம்பம்தான், சொல்லிட்டேன்.

என்ன நான்சென்ஸ் இது சுசி, பக்கத்து சீட்ல உக்காந்திருந்தா, அழகா இருந்தா, அவளே பேச்சை ஆரம்பிச்சா, நான் பதிலேப் பேசாம எப்படி இருக்க முடியும்? சுசி, உனக்கு வயது ஏறிட்டிருக்கு.

யாருக்கு ஏறலை?

உன் மனசுக்கு வயசாகிட்டு இருக்குன்னு சொல்றேன். என்னோட எந்தப் பொண்ணு பேசினாலும் உடனே அவளை உன்னோட ஒப்பிட்டுப் பார்த்துக்கறே. சுமாரா, மேஜை மேல வச்ச புத்தகம் மாதிரி இருந்தா திட்ட மாட்டேங்கறே. அதுவே மேஜை மேல விரிச்சி கவுத்து வச்ச புத்தகம் மாதிரி இருந்துட்டா... பொறாமை வந்துடுது, வாட் டு டூ?

உதைப்பேன். வி.கே.ன்னா அது நீங்கதான்.

இத பாரு, நீயும் போன நாவல்லேர்ந்து சொல்லிட்டிருக்கே. அர்த்தம் என்னன்னு கேட்டாலும் சொல்ல மாட்டேங்கறே. அப்படின்னா என்ன?

அது இருக்கட்டும். பயணம் பூராதான் கெக்கே பிக்கேன்னு பேசிட்டு வந்தாச்சே. அப்புறம் எதுக்காக அவளை நம்ம ஆஃபீசுக்கு வரச் சொன்னீங்க?

பாதியோட நிக்குதே சுசி.

என்ன?

அவ சொல்லிட்டிருந்த ஒரு ஜோக். சாவி கொடு. போய்க்கிட்டே சொல்றேன். உன்னால ஜோக்கோட பிற்பாதி சொல்ல முடியுதான்னு பார்க்கலாம்."

சுசிலா சாவியைத் திருப்பித் தர, கார் சாலையில் ஓடியது.

அதாவது சுசி, ஒருத்தனுக்கு மூணு பொண்ணுங்க கல்யாணத்துக்கு இருக்கறாங்க. தரகர்கிட்ட அவங்களைக் காட்டி அவன் சொல்றான். முத பொண்ணு கொஞ்சம் நொண்டி. அதனால பத்தாயிரம் வரதட்சணை தர்றேன். ரெண்டாவது பொண்ணு கொஞ்சம் செவிடு. அதனால அவளுக்கு இருபதாயிரம் தர்றேன். மூணாவது பொண்ணுக்கு அம்பதாயிரம் தர்றேன்னு சொல்றான். ஏன்னுக் கேக்கறான் தரகர். அதுக்கு அவன் என்ன பதில் சொன்னான்? ஃப்ளோரிடா அதை மட்டும் சஸ்பென்ஸ்ல விட்டுட்டா. அந்த பதில் என்ன சுசி?

பெரிய விஷயமாக்கும். அவ கொஞ்சம் குருடியா இருக்கும். நொண்டி, செவிடைவிட குருடு பெரிய ஊனமில்லையா?

லாஜிக்கலி ரைட். ஆனா உன் பதில்ல சிரிப்பு எங்கே வருது? நான் ஒரு பதில் யோசிச்சு வச்சிருக்கேன். ஃப்ளோரிடா நேர்ல வர்றப்பக் கேட்டு சரி பார்த்துக்கணும்.

ஏன் பரத், புதுசா அறிமுகமான ஒரு கல்யாணமாகாத பொண்ணுக்கிட்ட இப்படித்தான் டீஸன்சி இல்லாம ப்ளேபாய் ஜோக்ஸ் பேசிட்டு வந்தீங்களா?