Whisky Thaagam

By Pattukottai Prabakar

Pattukkottai Prabakar is a prolific writer of Tamil crime and detective fiction. He has also worked as a screenwriter in the Tamil film industry, and also for Paramapadham, the first Tamil-language "mega-serial" shown on Doordarshan.
First published in the 1977 in Anandha Vikatan. He has written more than three hundreds novels, more than two hundred short stories. Lots of his novels are translated in Telugu and Kannada. He has also worked as a Dialogue writer in more than ten movies in Tamil.
Prabakar's novels most commonly feature the adventures of the detective couple Bharat and Susheela, of Moonlight Agencies, and their employees Marikkozhunthu (a.k.a. Madhavi) and Ravi. There is a running gag in the books about the slogans on Susheela's T-shirts.

Pattukkottai Prabakar frequently collaborates with the detective fiction author duo Subha; some novels have appeared featuring both Bharat and Susheela and Subha's detective couple, Narendran and Vaijayanthi.

• Language: தமிழ்
• Publisher: Pustaka Digital Media
• Release date: Aug 12, 2019
• ISBN: 6580100903811

Book preview

http://www.pustaka.co.in

விஸ்கி தாகம்

Whisky Thaagam

Author:

பட்டுக்கோட்டை பிரபாகர்

Pattukottai Prabakar

For more books

http://www.pustaka.co.in/home/author/pattukottai-prabakar-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

காளி கோயிலில் வேள்வி நடத்தும் ஞானசிவன் விக்கிரமாதித்தனைப் பார்த்துச் சொன்னதாவது:

விக்கிரமாதித்தா, நீ செய்ய வேண்டிய காரியம் ஒன்று உள்ளது. சிறிது தூரத்தில் உள்ள ஒரு முருங்கை மரத்தில் வேதாளம் ஒன்று தலைகீழாகத் தொங்கிக் கொண்டிருக்கிறது. யாராலும் அதைப்பிடிக்க இயலாது. நீயோ வலிமை மிகுந்தவன். ஆகையால் எப்படியேனும் அதை இங்கே கொண்டுவந்து சேர்க்க வேண்டும்.

விக்கிரமாதித்தன் வேதாளத்தைத் தேடி முருங்கை மரத்துக்குச் சென்றான்.

வேதாளம் அதில் தலைகீழாகத் தொங்கிக் கொண்டிருந்தது.

உடனே அதைக் கட்டிப்பிடித்து, தோளில் சுமந்து கொண்டு விக்கிரமாதித்தன் நடக்கத் தொடங்கினான்.

அப்பொழுது வேதாளம் பேசியது!

வலிமை வாய்ந்த மன்னனே, என்னைச் சுமந்து செல்லும் சிரமம் உனக்குத் தோன்றாமல் இருப்பதற்காக ஒரு புதிர்க்கதை சொல்கிறேன். அக்கதையை உம்மால் விடுவிக்க இயலுமா?

விக்கிரமாதித்தன் ஒப்புக் கொண்டான்.

வேதாளம் கதை சொல்லத் துவங்குமுன் என்னை அழைத்தது.

ஆஜராகி, குட்மார்னிங் வேதாளம் என்றேன்.

குட்மார்னிங் பிரபாகர், முதல் பத்து வரியைப் படித்ததுமே புத்தகத்தை மூடி விடலாமா என்று வாசகர்கள் யோசனை செய்து கொண்டிருக்கிறார்கள். ஆகவே என் சார்பாய் இந்தப் புதிர்க் கதையை நீயே ஃபர்ஸ்ட் பர்சனில் விக்கிரமாதித்தனுக்குச் சொல்கிறாயா?

உத்தரவு கொடு வேதாளம்.

START என்றது வேதாளம்.

***

செங்கல் தெரியுமா உங்களுக்கு?

சூளையில் வைத்துச் சுட்டு, கட்டிடத்தில் பயன்படுத்துகிற சிகப்புச் செவ்வகம் இல்லை. இவன், கையில் பத்து, காலில் பத்து விரல்கள் கொண்ட மனிதன்.

செங்கல்வராயன் என்பதின் செல்லச் சுருக் - செங்கல். அதிகாலை ஆறரை மணிக்கே என்னை எக்மோரில் உதிர்த்துவிட்டு எஞ்சின் கூட ஷெட்டுக்குப் போய்விட்டது. அழைக்க வருவதாகச் சொன்ன செங்கல் இன்னும் வரவில்லை.

வரட்டும். பெஞ்சில் அமர்ந்து வழியில் வாங்கிச் சாப்பிட்டது போக மீதி இருந்த கடலைப் பொட்டலத்தைப் பிரித்தேன்.

என் பெயர் வித்யா.

பிரா போட்டுக் கற்பனை வேண்டாம். நான் பனியன்தான். வித்யா சாகர் என்பதன் மரூஉ (இலக்கணக் குறிப்பு வரைக) - வித்யா.

மாயவரம் என்கிற மயிலாடுதுறையில் இரண்டு மூக்கும் குத்தின ஒரு தாட்டியான மிட் வைஃப் (எதிர்ப்பதம் - மிஸ் ஹஸ்பண்ட்?) என்னை உருண்டை வடிவம் கொண்ட இந்த உலகத்திற்கு அறிமுகப் படுத்தினாள். கிளாட் டு மீட் யு.

போலியோ ட்ராப்ஸ் ஊற்றிக் கொண்டு ஜூரம் வந்தது, ப்ரைமரி காம்ப்ளக்ஸ் வந்து மேல் தொடைக்குப் பின்பக்கம் மாறிமாறி ஊசி குத்திக் கொண்டது, பட்டன் இல்லாத ட்ரவுசரில் ஊக்கு குத்திக் கொண்டது, திருட்டு மாங்காய் அடித்து மாட்டிக் கொண்டு மரத்தில் கட்டிப்போடப்பட்டுக் கால்களை நனைத்துக் கொண்டது, ஸ்டைலாய் மீசை ஒதுக்கிக் கொண்டு, அப்பாவின் நைன்டீன் தர்ட்டி ஃபைவைச் சேர்ந்த இங்கிலாந்து சைக்கிளை எடுத்துக் கொண்டு பப்பரபாங் என்று சவாரி அடித்து மேல வீதியில் சைட் அடித்து, டுட்டோரியலாய் மாறி பி.ஏ. ஒரு வழியாகக் கரையேறியது போன்ற விபரங்கள் அநாவசியம்.

கரண்ட் மேட்டருக்கு வரலாம்.

இந்த வருஷம் நீர்த் தேக்கங்களில் தண்ணீர் அதிக அளவில் ஸ்டாக் இல்லாததால் கடுமையான கரண்ட் தட்டுப்பாடு வரத்தான் செய்யும்.

ஸாரி, கரண்ட் என்கிற வார்த்தை என்னைக் குழப்பிவிட்டது.

குழப்பம் எப்போது வரும்?

மனம் தெளிவில்லாத போது.

மனம் எப்போது தெளிவில்லாமல் போகும்?

குழப்பம் வரும்போது...

இல்லையா? ஆகவே புரிந்து கொள்ளுங்கள். நான் மகாப்பெரிய குழப்பத்தில் இருக்கிறேன். வாழ்வா, சாவா பிரச்சனை. இரண்டாவதைத் தேர்ந்தெடேன், உனக்கும் நிம்மதி, சமுதாயத்துக்கும் நிம்மதி என்கிறான் ஒரு நண்பன்.

நண்பனா அவன்? துரோகன். அவனுக்கு மட்டும் அழகான தங்கை ஒருத்தி இல்லையென்றால் நான் பழகியிருப்பேனா அவனிடம்? அவளுக்காக மன்னித்தேன்.

அதாகப்பட்டது நான் ரயிலில் ஓடி வந்திருக்கிறேன்

ஒரு வகையில் பார்த்தால் இறைவனைப் பின்பற்றியிருக்கிறேன்.

ஆஃப்டர் ஆல், ஒரு ஞானப்பழத்திற்காகத் தன் பெற்றோரைப் பகைத்துக் கொண்ட பழநி கோபமாக முருகனுக்கு ஓடவில்லையோ? (வாக்கியம் தப்போ?)

அங்கே ஞானப்பழம். என் விஷயத்தில் பலாப்பழம்.

டெனிம் ஜீன்ஸ் அணியும் இளைஞன் நான்.