Örlög álfafólksins 2: Steinhjartað

By Peter Gotthardt

Voldugur óvinur ræðst með her sinn inn í land álfanna. Hann ætlar að hneppa alla álfa sem þar búa í ánauð. Álfarnir þurfa að sýna hugrekki og dug eigi þeir að komast lífs af. Álfarnir flýja undan óvinahernum og neyðast til að fela sig í skóginum. Freyjubrá eignast vin en það er ungálfurinn Humall. Saman gera þau uppgötvun sem gerir álfunum kleift að verjast óvininum. En munu þeir reynast nógu sterkir? Þetta er önnur bókin af fjórum í flokknum "Örlög álfafólksins". Lesið allar bækurnar í flokknum: Járngráir stríðsmenn Steinhjartað Gleymdu grafirnar Álagaflautan -

• Language: Íslenska
• Publisher: SAGA Egmont
• Release date: Dec 1, 2020
• ISBN: 9788726603330

Book preview

Peter Gotthardt

Örlög álfafólksins 2

Steinhjartað

Þýðandi: Erla Sigurðardóttir

SAGA Egmont

Örlög álfafólksins 2: Steinhjartað

Erla Sigurðardóttir

Elverfolkets skæbne 2: Det forstenede hjerte

Copyright © 2013, 2020 Peter Gotthardt and SAGA Egmont

All rights reserved

ISBN: 9788726603330

1.e-book edition, 2020

Format: EPUB 3.0

All rights reserved. No part of this publication may be reproduced, stored in a retrieval system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Örlög álfafólksins 2

Steinhjartað

Hér segir frá mestu hörmungartímum í langri sögu álfanna. Þegar voldugur óvinur réðst með her sinn inn í álfaríkið. Hann ætlaði að hneppa alla álfa í ánauð. Álfarnir fylltust sorg og reiði. Óvinurinn herjaði á fagurt landið og ógnaði frelsi álfanna. Þeir gripu til varna án þess að hika. Þeir vissu að framtíð álfafólksins var í húfi.

Hátt uppi á klettasyllu hóf örn sig til flugs úr hreiðrinu. Hann sveif á breiðum vængjum yfir grænan dal sem var falinn milli hárra fjalla.

Yfirleitt var enginn á ferli í dalnum. Stöku sinnum sáust þar tröll eða villigeitur.

En nú hafði allt breyst. Hrossastóð var þar nú á beit. Slegið hafði verið upp tjöldum og reistir litlir kofar. Reyk lagði frá varðeldum. Úti um allt voru álfar á ferð.

Nokkrir þeirra höfðu hópast saman á opnu svæði milli tjaldanna. Í miðjum hópnum var Freyjubrá.

„Hvílík heppni að við komumst hingað í Arnardalinn, sagði hún. „Hér verður auðveldara fyrir okkur að verjast þótt óvinaherinn sé fjölmennur.

„Og hér er nóg pláss fyrir okkur og hrossin," sagði Nellika. Hún hafði gætt Freyjubrár þegar hún var lítil. Nú hlúði hún