INSPIRASIE
As laaitie wou hy ’n speurder soos Magnum of die manne van Miami Vice word, maar al het die lewe ’n ander pad met hom gevat, het Stanley Jacobs (45) nooit sy sin vir reg en geregtigheid verloor nie.
Dié kampvegter maak dit sy missie om die gemeenskappe van die Kaapse Vlakte te help en op te hef op elke manier wat hy kan, al gooi mense klippe sy kant toe. Opgee sal hy nié.
Stanley, oftewel “Stan”, het die begin van sy lewe in Parkwood deurgebring en sy familie het later Grassy Park toe getrek. Hy het ses sibbe en sê sy ma, Sophia, was baie gelowig. “Sy was een van daai kerksusters op die Cape Flats wat baie gebid het, en sy het ons oor die Bybel geleer.”
Pa Eric was ’n bouer, terwyl sy ma na hulle
