Daar is niks lekkerder as om met ‘n tjommie kopstukke te gesels nie. Of om saam te lag en huil, hartsake te praat, jul kommer te deel oor als van kinders tot geldsake, of mekaar moed in te praat wanneer die lewe druk.
Soms is jou hartsmense nie naby vir ‘n geselsie nie, maar danksy sosiale media kan ‘n mens deesdae in die kuberruim alte lekker klets met mense wat jou belangstellings deel en dink soos jy.
Een só ‘n groep is Colored Girls Rock op Facebook. Dié gewilde blad spog met 257 000 followers en daar word lekker gesels oor als van grappies tot ernstiger sake en, ja, selfs dít wat tussen die lakens gebeur!
Geen wonder die tonge klap behoorlik oor dié groep nie.
Colored Girls Rock in sy huidige formaat is die breinkind van Shantelle Engelbrecht (45). DiéKaap, maar woon deesdae in Johannesburg. Haar kinders is onderskeidelik 15, 21 en 22.
