JY VOEL skoon uit jou plek wanneer jy by die sekuriteitsingang met sy glurende kringtelevisie-kameras stilhou. Peperduur karre gly by jou verby terwyl die veiligheidswag flink naderstaan om te hoor wat jy soek. Maar jy slaag die toets en dan is jy binne, op ’n kronkelpad tussen weelderige woonhuise en pragtuine. So dis hoe “die ander helfte” leef, dink jy heimlik.
Elke stad het sy spogbuurte waar die “real housewives” oor hul huishoudings regeer en meeding om die hoogste sport op die sosiale leer – van Constantia in Kaapstad tot Sandton in die Goudstad. Maar wanneer jy hier in Pretoria die woorde “leefstyl” en “weelde” in dieselfde asem gebruik, praat jy van Silver Lakes, die – die eerste Afrikaanse weergawe van die internasionale TV-reeks.