Hykie: ‘Ritalin het my gepootjie’

Psigiaters is boos oor die akteur Hykie Berg se bewerings dat hy weens sy gebruik van Ritalin in die Weskoppies Psigiatriese Hospitaal beland het.

Dit is veilig om Ritalin te gebruik en dit is ’n uitstekende medikasie vir die behandeling van aandaggebrek-hiperaktiwiteitsindroom (AGHS), sê dr. Renata Schoeman, psigiater en voorsitter van die Suid-Afrikaanse Psigiatriese Vereniging se AGHS-groep.

“Dis belangrik dat mense weet die medikasie is veilig en effektief as dit met omsigtigheid gebruik word.”