Geestesgesondheidsprobleme is iets wat miljoene volwassenes wêreidwyd affekteer. In 2019 het die Wêreldgesondheidsorganisasie (WGO) aangedui dat970 miljoen mense met een of ander geestesgesondheidskwessie sukkel. Hoewel hierdie kwessies dus redelik algemeen is, beteken dit nie dis maklik om dit as ’n couple te hanteer nie.
Volgens die WGO is die mees algemene geestesongesteldhede depressie, bipolêre versteuring, posttraumatiese stresversteuring, skisofrenie en eetversteurings.
Cindy-Lee Visagie, berader van Renaissance Counselling Services in Kaapstad, sê om iemand met ’n geestesongesteldheid lief te hê, kan baie uitdagings vir die verhouding oplewer. As die verhouding romanties is, kan jy uitdagings met intimiteit ervaar, afhangend van jou maat se geestestoestand en enige medikasie wat hulle neem.
Volgens Cindy-Lee kan medikasie hiperseksuele gedrag (sterk seksuele drange) veroorsaak of dat jou maat eenvoudig glad
