AFSPRAAK IN DIE PARK
Anthony en Lindy loop hand aan hand deur die park en gaan sit op een van die bankies. Dis ’n heerlike someroggend en soos gewoonlik baljaar die vinke in die bome.
“Anthony ek gaan vir twee weke Johannesburg toe om by my ouers te kuier. Ek is ook Saterdag my suster se strooimeisie. Ek sal die oggend van my verjaardag terug wees. Wag vir my op hierdie bank. Die bus kom 10:00 in die Kaap aan. Ek sal 11:00 hier wees.”
“Dis reg, Lindy. Ek sal ’n tafel in La Provence bespreek om ons verlowing te vier. Oor ses maande is dit ons troue. Ek kan nie wag nie!”
Haar oë blink.“Ek ook nie, Anthony.
