‘Ervare amateurs’ mik Angola toe
Uiteindelik, ná jare se beplanning en oorweging, kansellasies en herbeplanning, breek die oomblik aan... die Swanepoels en hulle vriende en familie gaan Angola-stempels in hulle paspoorte kry! Christoff vertel.
“Ons vertrek vroeg op ’n Vrydag uit Pretoria en hoop om binne vyf dae tot by Ruacana te vorder waar ons die grens na Angola sal oorsteek.
Ek en my vrou, Suzette, ry in ons Toyota Hilux en ons jongste dogter, Jurika, en haar verloofde, Jacques Steenkamp, is in sy Ford Ranger, en dis nie lank nie of ons kom by die Martinsdrift-grenspos aan.
Vir nou is dit net ons twee voertuie, maar later, wanneer ons in Nambië se Zambesistreek (oftewel die Caprivi) is, sal die Naudés van Northcliff in Johannesburg hulle by ons aansluit. Ernst en Adeline en hulle studentekinders, Suné en Jaco, gaan die reis in hulle Nissan Navara meemaak.
Sake loop nes ons beplan het, en op die vyfde oggend van ons reis tap die drie voertuie brandstof by Ruacana. Op pad hierheen het ons by Elephant Sands
