KRY DIE PRODUKTE HIER
Outdoor Warehouse, Camp & Climb, Tentco, Falkson, Seagull Industries, Adendorf, CJ Aircons, MacLaren Air
LK’S-VONKELWYNGLASE
Op ’n heerlike vakansie!
Staal is ’n goeie geleier van hitte, en die tweede wet van termodinamika lui dat hitte spontaan vanuit ’n warm medium (jou hand) na ’n koue een (jou drankie) vloei. Dié glas, wat van vlekvrye staal gemaak word, moes dus volgens die wetenskap ’n swak idee gewees het, maar LK’s was slim en het die glas ’n dubbele wand gegee. Tussen die buitenste en binneste wand is daar net lug – ’n swak geleier van hitte – sodat jou vonkelwyn langer yskoud bly, veral as jy boonop ’n ysbol ingooi (sien onder). (Cyril, jy moet ophou om ys in jou bubbles te gooi. – Red.) Die glas het ook ’n dekseltjie met ’n tuit waardeur jy teug. Dit keer dat jou Kaapse Vonkel mors wanneer jou motorboot deur branders rondgeskommel word. Die glase word in ’n stel van twee verkoop en elkeen hou 150 ml.
Prys R400 by Outdoor Warehouse
EASYICE 6 BALL-YSBAKKIE
Op die bol
Hierdie ysbak bestaan uit twee halfronde dele wat aan mekaar heg. Dit werk só: Jy tap water in totdat die ysbak vol is, stel die vervaardiger voor jy plaas kruie of vrugte in elke holte voordat jy die water vries.