DIE STIL HART VAN DIE TUINROETE
Dis die middel van die skoolvakansie in die middel van die Tuinroete en hier is nie ’n siel in sig nie!
Ja, goed, dis winter, maar op Knysna lyk dit soos die dag voor Kersfees! Ek was dorp toe vir inkopies, en óral was mense. Die jaarlikse Oesterfees is aan die gang en Woolies is ’n miernes. Ek moes telkemale koes vir iemand in veldloop-tights wat die rakke plunder.
Die Knysna Mall het nie eens meer vuurmaakhout nie; dus is ek Buffelsbaai toe, wat gewoonlik ’n stil dorpie is. Selfs hier het dit gewemel van vakansiegangers. En dit blyk elke huishouding stook ’n kaggel. Einde ten laaste het ek een sakkie by ’n winkeltjie opgespoor, waarskynlik net omdat die sakkie geskeur en van die stompe al uitgeval het.
Met ’n vuurtjie wat knetter, kyk ek nou deur die groot vensters van die Otters Restselfsorghuis en sien geen siel nie. Die enigste lewende wese is ’n swartkopreier wat ’n rietbedding vernuftig systap.
bewaar 16,5 km van die kuslyn tussen die vakansiedorpe Sedgefield en Knysna. Op sekere plekke strek die reservaat tot by die N2, maar, nog belangriker, dit strek een seemyl (sowat 2 km) see-in. Dié mariene beskermde gebied huisves bedreigde waterskilpaaie soos die karetskilpad en groenseeskilpad; en die aflandige riwwe is belangrike broeiplekke vir stokvis en
