Rali & Thamizh Inbam - Oct 2018: Rali & Thamizh Inbam

By S K Chandrasekaran, Rali Panchanatham, B K Rajagopalan and 3 more

உரைநடையை மூன்று நான்கு வார்த்தைகளாக உடைத்து ஒரு சந்தமும் இல்லாது 'கவிதை' என்ற பெயரில் ஏதேதோ வந்து விழுகிற இந்தக் காலத்தில் ஒரு விந்தை இந்த நூல். 

 

A rare collection of original & traditional Tamil poetry, mostly religious and some social, written in accordance with the rules of Tamil prosody.

 

உங்களுக்காக சில துளிகள்  (Excerpts):

 

" அம்புவிட்ட காமனைச் சுட்டு தருமிக்குத்
  தெம்புதந்து கீரனைச் சுட்டெரித்த பித்தன் "

 

" அரிஅயன் காணா விரிவுறு தேகன்
  அரியுணு நாகம் அரையணி நாதன் "

 

" வடப்பால் அமைந்த மலைமகள் தன்னை
  இடப்பால் இருத்தியோன் " 

 

" சூத்திரம் தந்தமுனி  போற்றும் பெரியவன்
  சாத்திரம் ஏதுமில்லான் ஆத்திரம் என்றுமில்லான்
  பூத்திரண்ட சோலையாம்  தேவி மயங்கிடும் 
  தீத்திரண்ட செஞ்சடையான்  போற்றி "

 

" அகப்பையில் அன்னை அமுதும் ஊட்டினாள் 
  அகப்பையில் அண்ணன் அமிர்தம் காட்டினான் என்
  அகப்பையில் அரனும் ஆடிட நின்று
  அகமகிழ்வேன் நானவன் ஆடிடக் கண்டு "

 

" ஆண்டியவன் ஆடுமயில் ஏறி உலகெலாம்
  தாண்டியவன் வள்ளித் தணிகை அழகிக்கு
  வேண்டியவன் தீராக் கருணையா லென்னுளம்
  தீண்டியவன் தீந்தமிழ்க்  கந்தன் "

 

" வேதங்களைத்தன் மூச்சாயுடையவன்
  பூதங்களைந்தால்  புவனம்படைத்தான்
  பாதங்களாலப் புவனமளந்தான்
  பாதங்களைநம் சிரமேற்கொண்டு
  நாதரூபமான அவன் நாமம் பாடுவோம் "

• Language: தமிழ்
• Publisher: Rali Panchanatham
• Release date: Jul 10, 2020
• ISBN: 9781393524052

S K Chandrasekaran

S. K. Chandrasekharan:  காசோலையில் பயணித்து (ஓய்வு பெற்ற வங்கி உதவிப் பொது மேலாளர்) பின்பு ஈசனைப் பாடத் துணிந்தவர் A retired banker with appetite for good Tamil literature since childhood, especially Tamil Poetry, be it traditional or in the new pudu kavithai format. Author of several poems in younger days in small magazines.

Book preview

Published by:

Rali & Thamizh Inbam

22/26 Third Main Road

Nanganallur Chennai 600061

All rights reserved

முன்னுரை

வாழிய செந்தமிழ் வாழ்க நற்றமிழர்

வாழிய பாரத மணித்திரு நாடு

மரபுக் கவிதைக்குரிய இலக்கணம், சந்தங்கள் இவற்றிற்கு முன்னுரிமை இன்றி, பொருள் வெளிப்பாட்டுக்கு முன்னுரிமை தந்து எழுதப்படும் தற்காலக் கவிதைகளுக்கு நடுவே, கருத்தை வெளிப்படுத்துவதை முடிந்தவரை இலக்கண விதிகளுக்குட்பட்டு, சந்தம், ஓசைநயம் இவற்றுடன் சேர்ந்த படைப்புகளாகச் செய்யும் ஆவலால் விளைந்ததே இக்கவிதைத் தொகுப்பு.

தமிழ் இலக்கியத்தில், பக்தி இலக்கியத்தைச் சார்ந்து, பாட்டுடைத் தலைவனாம் இறைவனை பல்வேறு வடிவங்களில் பாட்டிடை வைத்துப் படைக்கப்பட்ட கவிதைகள் பெருமளவில் இங்கு இடம் பெற்றுள்ளன.

இவை தவிர, இயற்கை, நாட்டு நடப்பு போன்ற கருத்துக்களைக் கொண்ட ஓரிரு  பொதுக் கவிதைகளும் இத்தொகுப்பில் இடம் பெற்றுள்ளதைக் காணலாம்.

தமிழின்பம் நுகர்வதற்கு அழைக்கிறோம்.

––––––––

நன்றி.

தமிழின்பக் குழு.

––––––––

இப்பதிப்பில் கீழ்க்கண்டோரின் கவிதைகள் இடம் பெற்றுள்ளன.

P. இராமலிங்கம் (ராலி)

B. K. இராசகோபாலன் (BKR)

S. K. சந்திரசேகரன் (SKC)

S. இராமமூர்த்தி (பித்தன்)

V. கல்யாணராமன் (VKR)