DIE sweet spat, want die kwik staan kort duskant die 40 grade hier in die wolskuur. Hy knyp ’n merinolam tussen sy bene vas en laat die elektriese skeermasjien oor die dier se lyf gly.
Skaars twee minute later lê die wol op die vloer, en Tienie du Plessis gryp die volgende skaap. Sy gespierde bolyf blink terwyl hy met ritmiese, geoefende hale werk, en binne ’n halfuur is 15 lammers onder sy hande deur.
Dan roep die skaapboer en professionele skeerder van Steynsburg in die Oos-Kaap eers halt. Ons maak aanstaltes na die plaasopstel terwyl Tienie (37) vertel hy is die vierde geslag Du Plessis hier op die grond wat sy oupagrootjie in 1860 gekoop het.
In die koel plaasopstal drink ons
