DIE STRAF- KAMER HET JARE LANK DIE KOSHUIS SE DERMS VER- STEEK: FOTO’S VAN KAAL STUDENTE EN SKOKKENDE ILLUSTRASIES VAN GRAFIESE SEKSTONELE
HULLE noem dit al geslagte “die Plek”. In die Plek kry alles en byna almal ’n bynaam.
Die seniors is “Oumanne”. Die afdeling waar die veterane bly, is “Bachelors”.
Die ander studente bly in “Republieke”, met name soos “Tjommies” en “Wankers”.
Die badkamer – eens net ’n oop, gedeelde stortplek, maar nou afgeskort vir vandag se premie op privaatheid – is “Mrs. Jones”.
Die kroeg waar jy brandewynen-Coke drink, is “die Pub”. Jou meisie is ’n “Dol”.
Die binnehof is “die Kwod”, en die bankies waarop jy sit wanneer jy toekyk hoe die ouens bietjie “Kwottie” (krieket) speel of iemand in die binnehof met sy kar wheelies gooi, is “Kwotties”.
’n Kamer is ’n “hool”.
En die mees berugte hool – die geheime een wat van álles weet, met die name van geslagte manne in geel, rooi en swart gespuitverf teen sy mure – is “Hool 88”.
Dan is daar die kamer wat generasies se gebruike en tradisies veilig ag-ter slot en grendel moes bewaar – die “Strafkamer”. Dis dié naam wat die studente van Wilgenhof nie wou hê enigiemand anders moet hoor nie.
Want “Willows”, soos sy inwoners dit noem, het baie “Huisreëls”. En as studente die reëls verbreek, word hulle gestraf deur die koshuis se dissiplinêre komitee, die “DK”, wie se bynaam net gefluister word: “die Nagligte”.
En, blyk dit, dis nie net die eerstejaars wat deurloop nie. Hulle het dit soms rof. Maar selfs
