Dis moeilik om te glo as jy dié selfversekerde, uitgesproke man ontmoet dat daar eens ‘n tyd was toe hy wou opgee en ‘n einde aan als wou maak.
Vir ‘n groot deel van Dorian Basson (38) se jongmenslewe het hy die onsekerheid, seer en selfverwyt in sy lewe weggesteek. En dit sou ‘n paar emosionele ineenstortings en baie moed verg voordat hy teenoor sy geliefdes oopgemaak het oor waarmee hy al die tyd in die stilte worstel …
Dorian was net agt toe hy met sy gesin van Gqeberha na Kaapstad verhuis het. Dis in dié stad waar ‘n gru-oomblik jare later die koers van sy lewe sou verander.
In Oktober 2005 was hy as 20-jarige tweedejaarstudent op pad huis toe van die Universiteit van Wes-Kaapland, waar hy rekeningkunde geswot het. ‘n Man – wat Dorian in sy
