Son see & stoepsit
Wonder jy soms hoe dit voel om minstens R100 miljoen in die bank te hê én ’n strandhuis wat met sy tone letterlik ín die Atlantiese Oseaan lanterfanter?
Boonop speel dié fabelagtige verbeeldingsvlug af op ’n werkende plaas van 400 ha met ongerepte natuur en ’n 7 km lange private strand. Menigmaal sal jy hier ook ’n trop ngunibeeste aantref wat hulle (saam met jou) staan en verkyk aan die dolfyne en walvisse wat agter die branders in die Koue Benguela kaperjol…
Sedert 1693 lê daar iewers in Wamakersvlei se wilde Weskuswaters ook die oorblyfsels van die VOCskip De Gouden Buys begrawe – of só meen die Nederlandse argeoloë David Bouman en Marco Roling wat in 2007 saam met twee van hulle kollegas by die SuidAfrikaanse Erfenishulpbronagentskap (SAEHA) kom navorsing – en ’n tweede lugopneming – doen het. (Lees die hele storie en amptelike
