Op ’n Sondag in Vanrhynsdorp
n ’n laagte digby Gifberg, net onder die verligte kruis wat neffens die N7 waghou oor die Knersvlakte, lê Vanrhynsdorp. Deur die week dreun duisende motors en vragmotors verby dié sluimerende dorpie. Sommige draai in om tenk vol te maak of na Nieuwoudtville of Calvinia te mik, maar die meeste reisigers stoot net aan om by hulle bestemming uit te kom: Na die noorde toe wag
