ONS HARDE, SAGTE VERMOORDE CHARL
HY WAS ’n man met twee kante. In die ongenaakbare wêreld van misdaadbekamping was hy as ’n toegewyde speurder en meedoënlose ondersoeker bekend. Maar vir sy gesin was die vermoorde lt.kol. Charl Kinnear ’n liefdevolle eggenoot en sorgsame pa.
aar kollegas het altyd geskerts dat Charl ’n dubbele lewe lei, vertel sy bedroefde weduwee, Nicolette, net dae ná sy skokkende sluipmoord buite hul huis in Bishop Lavis op die Kaapse Vlakte.
Hy het hom as hierdie hardekwas moenie-met-my-mors-nie-soort ou voorgehou. En hy moes, oor sy werk . . . Maar by die huis was hy ’n sagmoedige reus met die stem van ’n engel. Mense kon nie daardie kant van hom glo nie.”
Maar hy was altyd “aan diens”, vertel sy – soos die aand tydens haar verjaardagete in
