SIE-SIE-SIE, SARAH
Omstanders het hulle omtrént aan Sarah Jessica Parker se slanke figuur verwonder toe sy onlangs by die Hamptons in New York in die son gebaai het
Die 55-jarige aktrise het fantasties gelyk in ’n swart eenstuk met ’n wit hemp om haar middel gebind terwyl sy saam met haar man, Matthew Broderick (58), op die strand uitgespan het.
Ondanks haar jeugdige figuur maak Sarah nog altyd haar fiksheidsprogram af, en sy skryf haar vietse lyf toe aan joga – en stap.
“Ek stap baie. Ek dink stap is wonderlik,” het sy ’n paar jaar gelede gesê.
Die Sex and the City-aktrise het ’n daaglikse doelwit van 10 000 tree, en sy behaal dit deur saam met haar kinders skool toe te stap en te voet vergaderings by te woon en draaie te loop.
“Ek bly ook in ’n huis met vier stelle trappe,” het sy gesê.
Sarah en Matthew was
