’n Slanker Adele
‘Dis nie volhoubaar nie … Vir die liggaam is oorlewing prioriteit’
– DALE PINNOCK
SY HET ’n vietser nuwe lyf, en sy’s blykbaar nie skaam om daarmee te spog nie.
Die sangeres Adele het haar nuwe, slanker lyf die eerste keer in Oktober verlede jaar by Drake se verjaardagpartytjie gewys.
Sy is gewoonlik sku vir die kollig, maar het die afgelope ruk ’n paar keer gesig gewys – eers op ’n Instagramfoto vir ’n Kerspartytjie in die feestyd, toe op ’n strand in Anguilla waar sy in Januarie uitgespan het, en vroeër vandeesmaand opgedollie vir ’n sterbelaaide partytjie ná die Oscars.
Ondanks haar besige werkrooster het die sangeres tyd ingeruim om na haar tuisstad, Londen, terug te keer om ’n paar liedjies by haar goeie vriendin Lara Dockrill se troue te sing.
En volgens die trougaste is haar stem net so indrukwekkend soos altyd.
Die ma van die sewejarige Angelo is toegewyd daaraan om aan haar fiksheid te werk. Sy is onlangs afgeneem toe sy by ’n gim in Los Angeles uitstap – in ’n styfpassende swart uitrusting wat haar slanker lyf beklemtoon het.
Volgens haar eertydse persoonlike afrigter, Camila Goodis, het die 31-jarige sangeres glo die afgelope paar maande danksy ’n kilojoulebeheerde dieet sowat 50 kg afgeskud.
Die Britse kosskrywer
You’re reading a preview, subscribe to read more.
Start your free 30 days