‘Google se ouma’ word 90
Net soos die SAVLU (Suid-Afrikaanse Vroue-Landbou-unie) in die res van die land is daar één afkorting wat Platteland áltyd raakloop op ons omswerwinge deur die dorpies van die Wes-, Oos- en Noord-Kaap: die VLV, deesdae bekend as die VLVK, oftewel die Vroue-Landbouvereniging van Kaapland.
Dié niewinsgewende organisasie, wat ondanks uitdagende toestande en ’n dalende ledetal later vanjaar sy 90ste bestaansjaar vier, is op 15 Oktober 1929 op Franschhoek gestig en het gou ’n “universiteit” geword wat “gewone” vroue én die (meestal plattelandse) gemeenskappe waarna hulle uitreik, met kennis en praktiese vaardighede bemagtig. Of, soos die VLVK dit in ’n brosjure dit stel: “Die VLVK is ’n vereniging vir persoonlike groei, selfvervulling en gemeenskapsdiens met ses studierigtings wat lede toerus om hulle daaglikse uitdagings te hanteer. Die ses rigting is: gesondheid, kunste en handvlyt,
