عارف: لما تتكلم مع نفسك عشان توصل للسعادة

By HALA EMAD

بقالي يومين بجمع في كل الكلام اللي حكيتهولك في الكام سنة اللي فاتوا
ووقفت شوية كتير عند أحداث بعينها
عند كلام موجوع
وكلام سعيد
عند كل  ألم وأمل اختبرته معاك
يمكن تكون مجرد شخصية في دماغي
يمكن تكون كوكتيل لكل الناس الحلوة اللي قابلتها في حياتي
يمكن تكون حد فقدته بالموت أو بالحياة
ويمكن تكون أنا
أنا بكل التناقض اللي جوايا
أنا اللي عاوزة حد يتكلم وهي تسمع ومتقولش حاجة
 
يمكن تكون انت او انتي 
أيوة انت
بدون اسم ولا صفة ولا هيئة ولا شكل
انت المجرد من الأحكام السابقة
والرغبة في الجدل
الحكيم المبتسم اللي بيهون عليا فتهون
ابتديت اكتبلك لما مبقاش حواليا حد يسمع
أو لما بطلت اخاف من اللي عاوزة أقوله وبدور على حد يسمعه اخبي الكلام جوا ودانه وقلبه
 ومن وقتها وانا كل ما أعوز اتكلم
 بسألك
عارف؟!
وانا عارفة انك أكتر حد عارف وفاهم وساكت!!
وبتبتسم بود

• Language: العربية
• Publisher: Hala Emad
• Release date: May 19, 2022
• ISBN: 9791221337563

Book preview

عارف؟!

                          رسائل يومية لصديق وهمي

                                    هالة عماد

مقدمة

عارف

بقالي يومين بجمع في كل الكلام اللي حكيتهولك في الكام سنة اللي فاتوا

ووقفت شوية كتير عند أحداث بعينها

عند كلام موجوع

وكلام سعيد

عند كل  ألم وأمل اختبرته معاك

يمكن تكون مجرد شخصية في دماغي

يمكن تكون كوكتيل لكل الناس الحلوة اللي قابلتها في حياتي

يمكن تكون حد فقدته بالموت أو بالحياة

ويمكن تكون أنا

أنا بكل التناقض اللي جوايا

أنا اللي عاوزة حد يتكلم وهي تسمع ومتقولش حاجة

يمكن تكون انت او انتي ☺

أيوة انت

بدون اسم ولا صفة ولا هيئة ولا شكل

انت المجرد من الأحكام السابقة

والرغبة في الجدل

الحكيم المبتسم اللي بيهون عليا فتهون

ابتديت اكتبلك لما مبقاش حواليا حد يسمع

أو لما بطلت اخاف من اللي عاوزة أقوله وبدور على حد يسمعه اخبي الكلام جوا ودانه وقلبه

ومن وقتها وانا كل ما أعوز اتكلم

بسألك

عارف؟!

وانا عارفة انك أكتر حد عارف وفاهم وساكت!!

وبتبتسم بود

مشاعر

كوليكشن

عارف؟

فيه ايام بتجمعلك كولكشن الهزايم اللي مريت بيها طول حياتك وتعديهم قدام عينيك زي فيلم السينما

الحاجات اللي معرفتش تعملها

الناس اللي معرفتش تحافظ عليهم

الحنين لحاجات مبقتش بتحصل

الشوق لناس مشيوا ومبقوش موجودين

اكتشفت من ذكريات الفيسبوك ان الايام دي بتتكرر في نفس الشهور في نفس الايام

تقدم يوم او تأخر يوم بس دايما بتدور في الإطار ده

التقليب في الدفاتر القديمة مرهق على النفس الا في حالتين

اني اكون ناوية اخرج بدروس مستفادة

أو اني اعمل زي اليهودي لما يفلس فيدور في الدفاتر القديمة يمكن الاقي حاجة تستر عجز الروح

ووجع القلب

وقلة الحيلة

سجلات الهزايم كافية جدا انها تدمر كل حاجة بتثير جوانا الأمل

وانا مش هحاول اقاوم

هسيب كل الأمور تاخد وقتها

و العاصفة تعدي

هعيط على قد ما اليوم ده هيمتد برغم انه ابتدى مع أول صوت عصفورة على الشجرة اللي جنب الشباك

وههدى لما يلم دفاتره ويمشي مهما كان مرهق ومتعب

وهرجع ابتسم من تانى

ويبقى مجرد يوم وعدى

تفتكر هيسامحني؟

عارف

انا معرفش ليه الحزن اللي في كلامه حسيته جوايا مقصدتش اتطفل وانا بساله مالك ومقصدتش ازعله وانا بقوله هدعيلك، حسيت اني زودت همه وحزنه، حسيت اني خلقت جواه شعور تالت مرر طعم الدعوة في قلبه، شعور الوحدة، الوحدة اللي بتخليك محبوس في صندوق زجاجي شايف الناس ومش شايفهم سامعهم بس مش سامعهم، وأما لقيته شكرني وقالي نشوفك على خير، اتاكدت اني أذيته اوي لما حاولت اطيب خاطره ولا اطبطب على قلبه بدعوة،