نص حالة

By مدحت الخولي

نُص حالة اللي بينا .. نُص حالة.. نُص للحُب اللي بينا .. نُصها التاني استحالة. استحالة نرتبط أبدًا ببعض، كُل ما نحاول نقرب نلقى بُعد زَيّ ما يكون اللي بينا شيء غَريب.. لَعنة الحُب اللي بتذل الحبيب واللي عشنا العُمر نحلم بيه نلاقيه .. بين إدينا ولسَّه بندوّر عليه زيّ كدبة عايشة جوّاها الصراحة نُص ضحكة .. نُص فرحة .. نُص راحة اللي بينَّا.. نُص حالة.

• Language: العربية
• Publisher: Nahdet Misr
• Release date: Jan 1, 2015
• ISBN: 9789771452805

Book preview

الغلاف

أشـعار بالعامـية

نـص حـالـة

ديـوان شعـر

بقلم: مدحت الخولي

إشـراف عام: داليا محمد إبراهيم

جميــع الحقــوق محفـوظــة © لدار نهضة مصر للنشر

يحظـــــر طـبــــــع أو نـشـــــر أو تصــويــــر أو تخـزيــــن

أي جــزء مــن هــذا الكتــاب بأيــة وسيلــة إلكترونية أو ميكانيكية

أو بالتصويـــر أو خــلاف ذلك إلا بإذن كتابي صريــح من الناشـــر.

الترقيم الدولي: 5-5280-14-977-978

رقـــم الإيــــداع: 2015/13740

طبعــة: أغسـطـس 2015

Arabic_DNM_logo_Color_fmt

21 شارع أحمد عرابي - المهندسين - الجيزة

تليفـــون: 33466434 - 33472864 02

فاكـــــس: 33462576 02

خدمة العملاء: 16766

Website: www.nahdetmisr.com

E- mail: [e-mail]

إهـــداء

إلى كل الأرواح الحائرة

والقلوب النابضة التي أجهدتها التجارب

وأعيتها الحيل .. فجلست لتستريح

قليلًا على ضفاف الحياة.. قبل أن تكمل الإبحار من جديد

مدحت الخولي

أنا اللحظة

أنا اللحظة اللي انا فيها

ما بين ضغط الحياة .. والزيف

بتتغَيَّر معانيها ..

أنا الفوضى اللي قُدَّامك

في يوم أبقى كابوس عُمرك

ويوم فارس لأحلامك ..

ماتسألينيش على منطق ولا أسباب

لأنِّي باعيش بلا منطق ولا أسباب ..

صراع دايم مع الدُّنيا

وانا سارح في آمالي ..

لَقيت دايمًا حاجات تانية

ولا خَطَرت على بالي ..

عشان أرضى .. رضيت بيها

أنا اللحظة اللي انا فيها ..

اجرحيه

هوّه دا الحل اللي لازم تعمليه ..

فهّميه إن انتي كُنتي بتخدعيه

تبدئي بعدُه حياتك وتسيبيه ..

اجرحيه ..

هيّه بَقتْ حسابات

بينه وبين نفسُه ..

وانتي كمان بالذات

مزوّدة يأسُه ..

إحساسُه إنّك شيء

ماكانش يحلم بيه !

قايد في قلبُه حريق

مَبَقاش خلاص يداريه ..

إنتي قبلتي بيه

ضحّيتي .. بتحبّيه ..