DAAR is koud, daar is bibberkoud, en dan is daar Noorweë se Mysutjernet-meer-koud.
In Maart, die begin van die Noordelike Halfrond se lente, is die maksimum temperatuur in dié omgewing 1 °C. Die temperatuur daal maklik tot so -6 °C. Bitter min mense waag dit om in dié weer buite te gaan stap, wat nog te sê iets so gek soos om te gaan swem.
Wel, Amber Fillary (51) gaan swem nie net in daardie koue water nie; sy doen dit sommer in ’n bikini. Dié waagmoedige Kapenaar se doel vandag is om drie Guinness-wêreldrekords op te stel. Omring deur haar ondersteuningspan en ’n magdom nuuskieriges gaan sy deur ’n reghoekige gat wat in die ys oopgesaag is tot in die water afsak. Amber
