TOE sy klein was, was sy so bang vir water sy wou dit skaars in ’n swembad waag. Maar kyk nou.
Nie net is Amber-Rose Berry (16) deesdae so tuis soos ’n vis tussen die branders nie, sy het pas die jongste vrou geword wat een van Suid-Afrika se mees gevreesde swemuitdagings voltooi het: van Miller’s Point naby Simonstad oor Valsbaai, tot by Rooiels, ’n ent anderkant Gordonsbaai.
Party mense noem dié swemroete die Everest van Kaapse swemuitdagings. Nie net is dit ’n senutergende 33 km ver nie, maar die see in daardie gebied word gekenmerk deur sterk seestrome. En die water is boonop ysig koud.
Amber-Rose is een van net ’n handvol swemmers wat al hierdie uitdaging suksesvol voltooi het.
En asof dit