Dapper stapper
Anette Grobler van Kaapstad was in die weermag en een van die eerste vroue wat vir Recce-opleiding gekeur is. Sy vorm deel van mentorskapprogramme vir jongmense, maar doen nou vyf verskillende staproetes, tot in Angola. Tussendeur werk hierdie besige vrou ook by die Kaapse Skiereiland Universiteit van Tegnologie.
Sy was die eerste mens wat alleen die 570 km van die Namibiese Skedelkus afgelê het om geld vir die Nasionale Instituut vir Dowes in te samel. Dis waar die naam van Silent Steps, haar staponderneming, vandaan kom.
Met haar Skedelkus-staptog moes sy eiehandig die berugte woestynleeu, bruin hiëna en klein kronkelende adder wat homself onder woestynsand begrawe, trotseer. Die San noem die Skedelkus “die land wat God in woede geskape het” weens die uitermatige weersomstandighede, afgesonderdheid en berugte wind, wat alles aan flarde ruk. Die naam wat Anette vir haar onderneming gekies het, is ’n metafoor vir die stilte wat dowes daagliks ervaar.
Sy het
