’n Vars spoor in die duinesand
Welkom in die Kalahari, Richard! Hoe pas jy aan tussen die duine?
Al die mense van die Kalahari se Rooiduin-roete (waarop Kalahari Trails lê) help my baie om die reservaat weer op sy voete te kry! Ek is ontsettend dankbaar vir hulle aansporing en leiding. Ja-nee, die mense van Askham is ongelooflik.
Veral die slagter Kruger du Toit, ’n groot en gerespekteerde gees in die distrik wat ongelukkig in Julie aan Covid-19 oorlede is. Hy het my oor menige kuiertjie met koffie-enbeskuit baie geleer.
Ek het gelees dat jy op skool in Wallis goed rugby gespeel het. Dit is seker ’n nuttige aanknopingspunt noudat jy in die Kalahari nuwe vriende moet maak, of hoe?
Dit help beslis! Ja, my skool, Llandovery College, was tóé en is steeds vandag bekend vir goeie rugby. As ek reg onthou, het ons in ál my skooljare slegs vier wedstryde verloor.
Tóé was daar nog nie sprake van professioneel rugby speel nie, maar sedertdien het die skool uitstekende spelers soos Alun Wyn Jones en George North vir die
