OORTJIES VAN DIE RENOSTER

‘DIE eerste keer wat ek ’n renoster gesien het, was ek 21 jaar oud.

Dit was in my derde jaar toe ek besig was met my nasionale diploma in natuurbewaring aan die Kaapse Skiereiland Universiteit van Tegnologie en ek praktiese werkservaring moes doen.

So is ek na die Addo-olifant Nasionale Park in die Oos-Kaap. Dit was hier waar ek my eerste interaksie met ’n swartrenoster gehad het. Die tydsberekening was puik, want dit was in dié jaar wat Addo baie grensverskuiwings met swartrenosters moes doen vir hulle om elders nuwe renosterbevolkings te begin.

Ek het by die boma-opleiding van renosters betrokke geraak. Jy moes ’n baie wilde swartrenoster vat, in ’n omheinde gebied