VRY EN VREDIG ONDER DIE YS
AMBER FILLARY (49), VRYDUIKREKORDHOUER ONDER YS
‘AS DIE wêreldrekordhouer vir die langste swem onder ys terwyl jy jou asem ophou, vra mense my dikwels waarom ek doen wat ek doen.
Ek veronderstel ek het net ontdek ek’s goed met hierdie asem-ophou-storie, en ek is gelukkig dat ek in yskoue water kan indons en daarby aanpas. Dan gaan dit net oor myself druk om te sien hoe ver ek kan gaan.
Ek het in Kaapstad grootgeword en was nog altyd lief vir water en swem in die see.
By Rustenburg Girls High in die Moederstad het ek wel ’n paar jaar mededingend geswem. Ek het beeldende kuns by Stellenbosch-universiteit gestudeer – teken, skilder en watersport was my hoofbelangstellings.
