LUUKSES of bevoorregting het hy as kind in die uitgestrekte Katlehong, aan die Oos-Rand van Gauteng, nooit geken nie.
Oor sy ma en pa wil hy nie uitwei nie. Hy is grootgemaak deur sy ouma, ’n tuisteskepper, en sy oupa, wat in ’n staalfabriek geswoeg het. Streng dog regverdige mense, is hoe hy hulle beskryf. Smiddae ná skool moes hy eers sy huiswerk klaarmaak en sy ouma met haar take help voor hy die stofstrate kon invaar om sokker te speel.
“Hul grootste droom vir my was net om selfonderhoudend te wees en op my eie voete te kan staan,” vertel die man voor ons op sy saaklike, nadenkende manier. Elke woord word eers geweeg.
En hy
