SUID-AFRIKA, BOU WEER OP!
Ek blaai onlangs deur my reisjoernaal. My laaste oorsese skoolhoupos was in Taiwan. Ek ontdek toe die bladsy waar die sikloon Megi die land getref het. Dit was die derde sikloon in twee weke en die grootste een in tien jaar. Die hele stad Taichung waar ons gewoon het, het tot stilstand gekom. Megi was ’n woedende draak wat haar stert geswaai-swiep het oor die stad. Haar grommende onaardse geraas het my en Lara, my woonstelmaat, vreesbevange onder die naaste tafel laat skuiling soek. My dierbare neef Johan Fourie het net voor die sikloon sou tref, doodbekommerd uit Stellenbosch gebel. Ek onthou tot vandag toe sy woorde: “Bly weg van vensters en deure. Nig, ek bid vir julle.”
Kort daarna het ons alle verbinding met die buitewêreld verloor.
’n Dag ná die sikloon is ons toegelaat om uit ons woonstel te beweeg. Ons het verdwaas na die talle