Sutherland is bekend as Suid-Afrika se koudste dorp. Hoewel die dorp nie die rekord hou vir die koudste temperatuur nóg nie – daardie rekord is -20 °C en dis gemeet op die plaas Buffelsfontein in die Oos-Kaap – daal die kwik op Sutherland gereeld tot onder -15 °C, wat hom die dorp maak met die koudste gemiddelde temperatuur. Sutherland het talle verblyfopsies, van kampplekke tot hotelkamers, want Suid-Afrikaners ruk in groot getalle op na dié Karoodorp om sneeu en sterre te kom kyk.
As jy eerder lus is vir rondry, kan jy die volgende sirkelroete aanpak wat jou oor ses hoogtes en bergpasse neem.
in in Sutherland se hoofstraat. Ry noord op die geteerde Willistonpad (R354); ná 9 km kom jy op ’n vurk in die pad af. Links loop Calvinia en regs Williston toe. Kies laasgenoemde.