Dit was vroeg op ‘n koue wintersdag toe ek en my dogter, Marli, ‘n Outbound Cyclone-karavaan agter ‘n nuwe GWM P-Series LTD gehaak het en na KwaZulu-Natal koers gekies het. Meer spesifiek was ons op pad na Somkhanda Community Game Reserve, sowat 35km wes van Pongola. Dit is bekend daarvoor dat dit ongelooflike wild- en voëlkyk bied en met die nuwe P-Series was ons van plan om soveel moontlik daarvan te verken.
Ten spyte daarvan dat ons oor die toestand van die pad en die aantal vragmotors daarop gewaarsku is, het ons tóg besluit om die N2 deur Ermelo na Pongola te neem. ‘n Baie slegte idee! ‘n Oënskynlik nimmereindigende konvooi van steenkoolvragmotors het ons opgehou en toe ons hulle uiteindelik kon verbysteek was die pad só sleg dat ons nie regtig vinniger as 100km/h kon ry nie. Die teer is uitgery en was baie stamperig en
