Lionel de Lange is ’n man wat jy nie sommer met een oproep in die hande kry nie – hy is op die pad of in ’n vliegtuig, of iewers in Oekraine besig met ’n reddingspoging.
Die nood is baie groot en volgens hom weet niemand hoeveel wilde diere nog in dié land in onmenslike omstandighede aangehou word nie. Die probleem is dat daar soveel dieretuine, telers en diere in private eienaarskap oral in Oekraïne is.
“Ons weet daar is baie, asook ’n staatsdieretuin in die ooste en suidooste. Dié dele is feitlik heeltemal deur die Russe vernietig en ons is bewus daarvan dat Russiese soldate diere steel en wegneem.”
Warriors of Wildlife (WOW) was voorheen bekend as die
