Die woestyn is haar woning
‘Môre wolfies, môre!” roep die bruinhiëna-navorser Emsie Verwey terwyl sy oor die knikkie van ’n duin stap. Ek, Emsie en Weg se fotoredakteur, Shelley Christians, mik vir ’n paar klipperige rotsknoetse op die bopunt van die volgende duin.
“Ek roep die hiënas sodat hulle weet ek is op pad. Anders skrik hulle as ek by die den aankom.”
Die naaste ander mense kry sowat 2 km suid van hier dinge reg vir ontbyt by Wilderness Safaris se luukse Hoanib Skeleton Coast Camp. Emsie is die navorsingskoördineerder by die kamp en bestuur die Skeleton Coast Brown Hyaena Project van hier af.
Haar studiegebied strek van die samevloeiing van die Obias-en Hoanibrivier tot by Möwebaai aan die kus – dis sowat 60 km. Sy beskryf haar werk só: “Amptelik monitor ek die bewegings van drie bruinhiëna-clans langs die Skedelkus; die Hoanibrivier-, Hoanibvloedvlakte-en Möwe-clan. Nieamptelik probeer ek mense se idees oor dié diere verander.”
Sy gaan staan stil en haal haar verkyker uit. “Kyk, daar kom hulle uit die uit,” sê sy en beduie na ’n kolletjie sand tussen die rotsknoetse. Sowaar, dis net
You’re reading a preview, subscribe to read more.
Start your free 30 days