‘EK HET NOG NOOIT SO VRY EN ONTSPANNE GEVOEL NIE. ONS LEEF ONS DROOM’
HY HET op 55 afgetree met geen idee wat hy vir die res van sy lewe gaan doen nie.
Toegegee, hy het ook nie omgegee nie, want in daardie stadium wou hy net sy kop skoon kry en hom losmaak van sy gejaagde beroepslewe.
Hendrik Hollenbach (nou 64) het afgetree as nasionale verkoopsbestuurder by Sasko-bakkerye, waar hy 29 jaar lank gewerk het, en sy vrou, Glynis (nou 61), het toe ook besluit om uit haar departementele pos as ’n onderwyseres by ’n laerskool in Randburg te bedank, want die twee het lankal besluit hulle wil saam aftree.
“Moeksie, wat gaan ons nou doen?” het Hendrik haar in Desember 2013 gevra.
Wat van ’n lang karavaantoer? het die twee besluit. Hulle was immers gesoute kampeerders wat hul lewe lank die woonwa so
