LAAT HOOR VAN JULLE!
Skryf vir ons en vertel ons van jou skuif of verlange platteland toe, die karakters op jou dorp, die dinge waaroor jy gaande is (of wat jou pla)… Gaan na
platteland.net en klik op “Kontak”, of stuur ’n e-pos na
helloplatteland@gmail.com. Onthou om jou voornaam en van te gee, en belangrik, die dorp waar jy woon. Platteland behou hom die reg voor om briewe na goeddunke te redigeer en verkort
wen-brief
Waarom is ons hier?
Waar kom ons vandaan en waarom is ons nou eintlik hier? Ons het ses lang jare die Wes-Kaap platgetoer op soek na ’n huis wat in ons gesin se behoeftes voldoen.
Een van die vereistes was dat ons kinders uit die huis hoërskool toe gaan. En met die toekoms in gedagte was dit ook belangrik om ’n volhoubare besigheid te vind.
Ons vorige huis in Swartwater, Limpopo, het ’n puik laerskool gehad, maar die hoërskool was 200km van ons plaas af.
Vir ons as ’n gesin was die koshuis net glad nie ’n opsie nie. Ouers speel so ’n belangrike rol in die lewens van hulle kinders en slyp hulle tot verantwoordelike mense en volwassenes.
Om ’n lang storieEen laatmiddag ry ons die dorp Montagu in die Wes-Kaap binne. Dié Klein-Karoo-dorp was sonnig en iets vir die oog, en die mense in die winkeltjies was vriendelik en wou net help waar hulle kan.