PALOEKA die leeu en Palawa die kameelperd sit in die Babbelboomhuis en speel.
“Ek sien iets met my kleine, kleine ogies. Iets wat lank en roomkleurig is, en harig en um… groot geel kolle het,” sê Paloeka.
“’n Slang?” roep Palawa verskrik uit.
“Nee, man. Waar sien jy ’n slang? En waar het jy al ooit van ’n harige slang gehoor? Daar is mos nie so iets nie,” sê Paloeka.
“O ja. Jy is reg. Ek het die pot nou duidelik mis gesit met daai een,” sê Palawa en krap haar kop.
“Die pot mis gesit? Jy sit dan nie eens nie,
