7 JAAR SONDER JAYDE
SEWE jaar is ’n lang tyd, maar dis nie lank genoeg om die grootste seer te genees nie. Nie lank genoeg om die wreedste verlies te verwerk nie.
En ook nie lank genoeg om vrede te vind nie.
Want dit is sewe jaar ná daardie verskriklike dag in April 2015 toe Jayde Panayiotou so skielik van hulle weggeruk is, maar haar familie worstel nog elke dag met haar wrede dood.
“Ek het geen geloof oor nie; dit is van my af weggevat,” vertel Jayde se ma, Michelle Inggs, in ’n episode van die M-Net-dokkiereeks Strangers You Know wat onlangs uitgesaai is.
“Dit is baie moeilik om enigsins geloof te hê wanneer mense vir jou aanhou sê: ‘Maar jy gaan Jayde weer sien’ of ‘Dit was so bestem.’ Ek gáán haar nie weer sien nie. Ek
