AS DIE borrelende Boeboe van Vetkoekpaleis het sy kykers laat skater en was sorge met haar kêrel, Pelvic, al drama wat sy moes hanteer. Maar die storielyne van die regte lewe is soms bitter swaar, kan die aktrise en sangeres Liane Heyl getuig – en onlangs is sy weer met een van die donkerste oomblikke van haar lewe gekonfronteer.
Die nag van 14 Maart 2014 is haar geliefde tannie en “tweede ma”, Genée Bergs (70), doodgeskiet in haar bed in die Johannesburgse voorstad Parktown North. Liane en haar tweelingsuster, die nuusleser Genée White, was verpletter.
En twee dae voor Huisgenoot se onderhoud met Liane is die moordenaar, tannie Genée se tweede man, Dieter Bergs (nou 87), in huisarres geplaas.
Weens sy gevorderde ouderdom sal hy ondanks sy skuldigbevinding nie tronk toe gaan nie, maar moet hy die res van sy lewe in die
