FLOREREND – SONDER KIND

DIS ’n onderwerp wat haar al jare lank agtervolg en haar net nie in vrede wil laat nie.

So lank as wat Jennifer Aniston kan onthou, moes sy die “hoekom het jy nie kinders nie?”-vrae afweer, en sy is siek en sat daarvoor om jaar ná jaar te verduidelik hoekom haar lewe die koers ingeslaan het wat dit het.

“Ek het dit altyd baie persoonlik opgeneem – die swangerskapsgerugte en die aanname dat ek my loopbaan pleks van kinders gekies het,” sê Jennifer (52) in ’n openhartige nuwe onderhoud.

“Ek voel net jy het geen benul wat persoonlik of medies met my aangaan nie, hoekom ek nie kan