SY WAS altyd die eksentrieke een, die verstrooide een, die loskop saam met Monica en Rachel, en sy was altyd ’n bietjie verwyder van hul wêreld in daardie bekende woonstel met die pers deur.
En in die regte lewe het sy ook gevoel iets onderskei haar van die ander twee. Courteney Cox en Jennifer Aniston was albei rietskraal, glansryk, volmaak.
Om elke dag langs dié twee voor die kamera te verskyn kon nie anders as om Lisa Kudrow onseker oor haar eie voorkoms te laat voel nie.
Tot sy as Phoebe by die rolverdeling van Friends aangesluit het, was Lisa (59) heel tevrede met hoe haar eie liggaam gelyk het.
“Ek het gedink ek was net baie maer,” sê sy in ’n onlangse episode van die podsending.
