wen-brief
78 en ons woel in die tuin!
Ek en my vrou is albei 78 jaar oud. Twee jaar gelede het ons van Pretoria af Kaapstad toe verhuis en ’n nuutgeboude huis met ’n “rou” erf betrek.
Die foto’s wys hoe dit nou lyk – al die werk is deur onsself gedoen, sonder enige gehuurde arbeid. Ons oes reeds koejawels, druiwe, aarbeie, uie, wortels, beet, grenadellas, blaarslaai en spinasie, ertjies, boontjies, tamaties en suurlemoene. Die papajas en swartbessies is in aantog.
Saam met die huis was daar ’n gryswaterstelsel – ek het pype na die bome en struike aangelê. Ek het ook onlangs twee 1000 l-water watertenks geïnstalleer wat nou al altesame meer as 1 100 l reënwater bevat.
Ons stuur ’n paar foto’s om te wys enigiemand kan tuinmaak – selfs twee old chronies in die stad. Miskien is dit water vir julle meul?
Dankie vir ’n lekker tydskrif.
Johan en Julia Venter SUNNINGDALE, BLOUBERG
Dankie vir gesuiwerde platteland
Dankie vir Platteland Lente 2021; dat julle telkens soveel vreugde en positiewe gebeure uit die platteland suiwer en in die Platteland na ons toe bring. Weer eens ’n oefening in voortreflikheid.
Sunita Keyser BLOEMFONTEIN
van Blouberg wen ’n Ina Paarman-geskenkstel ter waarde van meer as R1 200. Dit bevat ’n keur van produkte, ’n duursame denimvoorskoot, ’n vlekvryestaalrakkie met 14 speserymengsels en ’n volledige stel van Ina Paarman se kookboekies. Gemak is die wagwoord as dit by Ina Paarman se produkte kom, maar nie ten koste van smaak, geur óf vir meer inligting en ’n groot verskeidenheid resepte, en probeer gerus ook Ina gestopte varkworsrol met spekvleis op bl. 135.
