SKUD SO DIE VETJIES AF TYDENS MENOPOUSE

JY STAAN voor die spieël in ’n winkel se aantrekhokkie en kyk twee keer. Wie’s daai vrou wat na jou terugstaar? Die een met die dik middel, slapper borste en breër heupe? Dit kan tog sekerlik nie jy wees nie.

Klink dit bekend? Jy’s nie alleen nie. Talle vroue in hul 40’s en vroeë 50’s het soveel hooi op hul vurk dat hulle jare lank hul eie lyf miskyk. En dan tref die veranderings hulle “skielik”, so asof hul lyf oornag verander het. Natuurlik het dit nie; hul figuur het geleidelik begin verander. En dis alles ons hormone se skuld.

In hul nuwe boek, , deel twee dokters, Susanne Esche-Belke en Suzann Kirschner-Brouns, hul ervaring