SKUD GEWIG AF – MET JOU BRÉIN
Die groot verskil is dat jou liggaam met dié gewigsverlies tevrede sal wees – wat nie die geval is wanneer jy met ’n dieet verslank nie
WANNEER ’n pasiënt met ’n pastei en tjips in die hand in sy kantoor inwaggel om sy raad te vra, het hy gewoonlik heel eerste gedink:
“Neem verantwoordelikheid vir jouself en volg ’n dieet.”
Maar deesdae dink dr. Andrew Jenkinson anders hieroor, en in sy fassinerende nuwe boek, Why We Eat (Too Much), verduidelik hy hoekom.
Andrew is ’n Britse snydokter wat in bariatriese chirurgie spesialiseer. Dit be- teken hy voer operasies uit aan die maag en dermstelsel wat mense kan help om gewig af te skud. En hy erken ruiterlik hy het altyd sy pasiënte veroordeel wat hulle aan kos vergryp …
Maar toe besef hy dat baie van sy oorgewig pasiënte met dieselfde uitdaging worstel: Dit voel asof hulle in ’n strik vas gevang is en nie gewig kan afskud nie, ongeag
