SES JAAR VAN STILTE – TOE HOOR ONS ‘HIËNA’
DIT is die laaste ding wat ’n mens sou verwag in die kraamsaal waar ’n baba pas gebore is. Absolute stilte.
Die Kaapse egpaar Ashlea en Paul Myson wag gespanne om hul nuwe dogtertjie die eerste keer te hoor skree, ’n aanduiding dat sy fris en gesond is. Maar klein Stella is stil.
Genadiglik is sy gesond gebore, stel die dokter haar ouers gerus. Sy lyk heeltemal wakker. Maar die dogtertjie is tjoepstil.
Is haar keel dalk gekneus omdat die naelstring te styf om haar nek gedraai was, wonder iemand. Die dokter loer, maar dit lyk nie so nie.
Ma en pa gaan huis toe met hul
