MY TONG TERUG IN MY KIESTE

NIEMAND sal die meisie met die groen ogies daarvan kan beskuldig dat sy haar tong ingesluk het nie. As die driejarige Arabella Leeuw eers ontdooi het, gesels sy ’n hond uit ’n bos. En waar ’n kleuter se vrolike geselsies soms vir ander ouers een te veel kan word, is elke woord uit Arabella se mond musiek in Tamson en Jason Leeuw se ore. Dit is immers allesbehalwe vanselfsprekend.

Want hul dogtertjie is met ’n vergrote tong gebore wat ver buite haar mondjie gehang het. Vir die eerste drie jaar van haar lewe het sy gesukkel om te sluk, asem te haal en te praat.

Maar vandag verklap die blou