Affipad Wittebrood avontuur
Wat gebeur as 'n avontuurlustige paartjie op 'n buitengewone wittebrood wil gaan, maar binne die grense van Suid-Afrika ingeperk is weens die COVID-19 pandemie? Chantelle en Jaco Potgieter deel hul ervaring.
In Suid-Afrika vasgevang weens die nasionale inperking, met 'n wittebrood wat op ons wag, besluit ons om ons eie beeldskone land beter te gaan leer ken. Jaco het die roete aanmekaargesit, met so ‘n ietsie van alles: berge, berg-woud ervarings, die platteland en, natuurlik, die see. Die oorspronklike plan was om noord te gaan deur die Krugerwildtuin en dan deur Kosibaai via die noordelike kuslyn. Uiteindelik het ons dit toe andersom gedoen en ons het Kaap se kant toe koers gevat. Die roete is so net onder 4 000km en ons sou dit oor 14 dae in ons getroue Mitsi – 'n 2008 Mitsubishi Triton 3.2- DI-D 4x4 model met 340 000km op die klok – aanpak. Chantelle is heeltemal in die donker oor die roete, maar beide van ons is opgewonde vir 'n avontuur van 'n
