SY KLOP CORONA
Wilma Ross (58), ’n administratiewe beampte by ’n Anglikaanse kerk in Kaapstad, is nie iemand wat sommer gaan lê nie. Sy is altyd vroeg uit die vere, reg vir die dag en jy kan haar meestal deur ’n ring trek.
Maar nadat sy onlangs platgetrek is deur die gevreesde Covid-19 en vir twee weke in ’n koma, gekoppel aan ’n ventilator was, het Wilma weer opnuut besef hoe kosbaar elke oomblik eintlik is. Veral nadat sy van vooraf moes leer loop en om dinge vir haarself te doen.
Wilma van Blackheath in die Kaap is ’n diabeet wat ook met haar cholesterol en bloeddruk sukkel, maar sy het nooit gedink daar is eens ’n kans dat sy die gevreesde corona-virus sou opdoen nie.“Ek weet steeds
